ບົດຮຽນ

1.  ອົງກອນ ແມ່ນເປັນແຫຼ່ງລວບລວມບຸກຄະລາກອນດ້ານຕ່າງໆ ທີ່ມີການຕິດຕໍ່ ແລະ ເຮັດຮ່ວມກັນ ເພື່ອບັນລຸເປົ້າໝາຍດຽວກັນ.
2.   ອົງກອນມີ 2 ລັກສະນະຄື : ອົງກອນຫວັງຜົນກຳໄລ ແລະ ອົງກອນບໍ່ຫວັງຜົນກຳໄລ

•       ອົ ງກອນຫວັງຜົນກຳໄລ ເປັນອົງກອນທີ່ມີຈຸດໝາຍໃນເລື່ອງການສ້າງຜົນກຳໄລໃຫ້ເກີດຂື້ນພາຍໃນອົງກອນໃຫ້ໄດ້ຫຼາຍທີ່ສຸດ, ເຊີ່ງສາມາດເອີ້ນວ່າ ເປັນທຸລະກິດ ເຊັ່ນ : ບໍລິສັດ PS, ໂຄລາວ..
•       ອົງກອນບໍ່ຫວັງຜົນກຳໄລ ເປັນອົງກອນທີ່ບໍ່ໄດ້ເນັ້ນໃນເລື່ອງກຳໄລ ແຕ່ເປັນອົງກອນທີ່ສ້າງປະໂຫຍດໃຫ້ແກ່ສັງຄົມ ເຊັ່ນ : ອົງກອນທີ່ເປັນມູນນິທິຕ່າງໆ, ອົງກອນທີ່ເຮັດວຽກດ້ານການເຜີຍແຜ່ສາສະໜາ ແລະ ອົງກອນທາງການສຶກສາ... 

1.    ໂຄງສ້າງຂອງອົງກອນມີ 2 ແບບຄື : ໂຄງສ້າງການຈັດຕັ້ງອົງກອນແບບແນວຕັ້ງ ແລະ ແນວຂວາງ.

•       ໂຄງສ້າງການຈັດຕັ້ງອົງກອນແບບແນວຕັ້ງ: ແມ່ນມີການຕັດສີນໃຈຢູ່ຈຸດສູງສຸດ ເຊີ່ງການຕັດສີນໃຈສັ່ງການແມ່ນມາຈາກຜູ້ບໍລິຫານສູງສຸດ ສັ່ງການລົງໄປຕາມລຳດັບຂັ້ນ.
•        ໂຄງສ້າງການຈັດຕັ້ງອົງກອນແບບແນວຂວາງ: ແມ່ນຈະແບ່ງຕາມສາຍງານຢ່າງຊັດເຈນ ເຊີ່ງແຕ່ລະສາຍງານນັ້ນບໍ່ມີການເຮັດວຽກຊໍ້ກັນ, ຈະມີການປະສານງານກັນເປັນລຳດັບຂັ້ນ ເພື່ອໃຫ້ການເຮັດວຽກຕາມສາຍຕັ້ງມີປະສິດທິພາບຍີ່ງຂື້ນ.